Collège Frédéric D'Achery (Koungou)
Site de l'académie de Mayotte

Accueil > Les disciplines > Arable > Mifidana arabou !

Mifidana arabou !

lundi 24 septembre 2018 par admin

Voulana ki arabou zègni inou ?

• Voulagna ki arabou vava tsika mivoulagna ty voulagny ny holou kadiri millioni télou n’zatou. Ziou voulagna ampyassa n’tany arompoulou aroy ambi ndrèky zyou an gnaty n’voulana ampyassa ny ONU, UNESCO n’dreky tchama hafa ny dounia.

Ynou raha m’bou hyanarny dro zaza any dzorou ky arabou ?

• Hay amba ky arabou saroutrou. Fo, condica nazy you ro mankassaroutrou ziou. Bé tokoutrou hey koua amba fityavagna voulagna ki arabou you ro mahamora fyanaragna ziou. Yzikoua fidzourogna haroufou méty mangala wakaty marou any holou vouhi taponou ; ficondricagan ziou moora fou : ziou condicagna karaha modély voulagny izi. Fo tsy you ro m’bou mivoulana amba rizaza tsy hyforigny an fyanarigny condica, karaha an voulagna hafa hafa régny, djitihadi bé atoou an fivoulagnana.

• Ki arabou missy talangou marou, ki arabou ny caratassy ndrèky ki arabou ny tany hafa hafa, n’dreky réou djaby myaraka n’dreky fivoulagnana n’dreky ficondicagna, an cabina ny arabou. Chingani nèka talangou ny voulagna ki arabou mihova an tany hafa hafa, méty ata tany fankarikitry, missy voulagna marou mira-miragna, izy koua holou mampihèragna ki arabou ny fanounga ny zouva n’dreky ny fitsoufora ny zouva aou ki arabou ny aranta n’dreky ny tanana madiniky. Ki arabou ny karatassy ro myassa any siricaly ny tany ki arabou djabi, n’dreky you ro mampi cambagna arabou réou. N’dreky ziou voula ny gazéty, n’dreky ziou koua ro amouri-mourya n’dréou fomba ki arabou. Bassy ki arabou ny karatassy ty ro ampidzourogna, aharou n’dreky talangou hafa-hafa. Raha hilagna héou moina-kyoni ahèyi n’dreky ouheyi raha mila voulagniny angnaty ny tany ki arabou.

• Charya ny fampidzourogna ki arabou tokoutrou mèragna n’drèky ny voulagna hafa-hafa. Dzorou nazy you tokoutrou nagnaraka charia Eropa fotoutrou fyanarigny voulagna. You ro mamatatra fomba.

Ynou raha mampahèva n’doua moina kyoni midzorou ki arabou ?

• Rétou raha tokoutrou hey volouhany holou hi dorou ki arabou :
Fandretègnana wakati missi aroyi
Soirifa ny voulagna magnaraka laalagna soifi. You ro mankamora ficabangnana ny dzéri.

• Any voulagna ky arabou, missy soinaan ndreky zana marou méty ampyassa ny dréou moina foundy :
Holou myantra condica ky arabou tsy mahaléou milefa magnanou soinaan soinaan ny condica ;
Holou midzorou ky arabou zégny holou tya a heyi fomba ny zamany ny cariny ny faha foulou dimiambiny ; dreky ziou mitaponou boca Mauritanie ata any vava ny ranou massigny ny Golfe.
Holou myantra ky arabou zégny holou bouhou ahyta tragnou marou tsara, hantsa marou matandzaka n’dreky fomba mahitsy ny maycha.

Inou faida mbouhou ampidiriny fampidzourogna ki arabou Maori étou ?

• Ficambagna ny Maori ndrèky tany ny arabou silamou régny
• Moina kyony matandzaka régny méti couroumyany mahala marou : ficondicagna n’dreky fidzourogna, aou fanoussohagna voulagn angnaty ny ky maory n’dreky ky arabou. Angnaty voulana ky maory télou, arèky andro héhou ky arabou. Boca yéou ziou tsy an dini tou !
• Hantsa ky maory marou nala n’dréou boca any fomba ny hantsa ky arabou.
• Sassa ny fomba ny maycha réou boca any fomba ky arabou ny talouha taagny m’fanou n’draha.

Inou faida m’bou andréssy ny ky arabou ty any moina kyony ?

• Fyanarigny ky arabou ty missy faïda andréou moina foundy, rangou andréou madiniky ata andréou mavénty. Any licoly madiniky n’dreky colègy, ro zaza myantra nganou, midzorou nganou ki arabou, mitapnou mahita fomba marou ny zaza arabou. Réou mahita raha fatoou ny zaza any tany ny arabou. Any licoly angnabou agny, ro zaza fa mitaponou midzorou inlimou ny gazéty n’dreky boucou ny fivoulagnana n’dreky oussitaanrabou.

• Ziou méty yantragna rango kilassy alouha ny colègy any kilassy midzorou voulagna aroyi voiou-voiou, aou any voulagna voiou-voiou faha aroyini rangou kilassy faharoïni ny colègy, n’drèky méty coua tapounossygny voulagna faha télouliny aou soinaan ny voulagna any lycée. Réou moinkyony méty magnanou guizamin nazy you any baky.

• Holou midzorou missy bahati bé any fitoungavany any licoly mavénty. Voulagna ky arabou mihiditry angnaty ny guizamin ny licoly ny agnabou ny soinaan ny voulagna, ny fandafossagna n’dreky siency (ENS, ……..ESIT)

Inou hassa méty atoou ny holou ny n’dzorou ky arabou ?

• Vo arabou yiou angnivou gnivou ny bara : Eropou, Afriqi n’drèky Asy. Tany ky arabou réou missy poulacy tsara ny machoira. Fahizagna voulagna ki arabou ty faida bé any fangatahagna byachara ;

• Farantsa ampivanga byachara marou any tany ny fitsoufora ny zouva n’dreky izi micambagna tsara n’drèky tany ny arabou n’dreky djirani n’dréou. Nein, tany réou tsy tadjiri louatra. Hassa marou (fandrafossagna, hissaka ny vola, voulagna n’drèky gazèty) méty atoou ny moina foundy nahaléou tounga laavitry any dzorou ky arabou.

• Réou vazaha méty mahazou hassa ny manoufa any houpandry marou caraha atony oustaanrabou, vola n’drèky fitsakarahigny byachara boca lavitry, inlimou mavénty, ficambagnana n’dreky gazèty, ficoutoundagna raha, n’drèky marou marou ny zégny.


| Plan du site | Mentions légales | Suivre la vie du site RSS 2.0 | Haut de page | SPIP | ScolaSPIP
Collège Frédéric D’Achery (Koungou) (Académie de Mayotte)
Directeur de publication : Madame BOURDIN Sophie